بنقع الرز بمي فاترة شي ربع ساعة وبغسلو وبصفيه وبضيفلو لحمة مفرومة وثوم مهروس وشوي بقدونس مفروم واذا ما حبيتو لا تضيفوه بس انا بحبو مع المحشي وحبتين بندورة مبشورين وحبة فلفل حار مفروم ناعم وملعقتين معجون طماطم وملح وبهارات فلفل اسود واحمر ونعناع يابس وعصير ليمونة وشوي زيت بخلطهم وبحشي المحشي وبحط بارضية الطنجرة لحمة او دهنة وبكون متبلتها بفلفل اسود واحمر وشوي ملح مو كتير لانو رح تشرب اللحمة من مية المرقة وفيها ملح وبصف المحشي فوقها وقبل لحط المي بحطها عنار هادية شي ربع ساعة لتتحمر اللحمة وبضيف مي ومعجون طماطم شي ملعقتين وملح وبثقلو بحجرة المحشي طبعا المي لازم يغطيه وبخليه يغلي كم غلوة وبهدي النار وبخليه قريب ليستوي بصفي المرقة وبرجعو عنار هادية شي ربع ساعة
ليست هناك تعليقات:
إرسال تعليق