بسلق اللحمة بمي مع بصلة لتستوي وتنشف ميتها بحط شوي زيت وبقليها لتتحمر بضيفلها ملح وبهارات فلفل احمر واسود
وبقشر البادنجان خطوط وبقليه بالزيت نص قلية وبصفو فوق اللحمةبحيث وحدة ورا الثانية
وبحط كوبين رز طبعا الرز منقعتو قبل وغاسلتو وبضيف ملح وملعقتين زيت وثلاث اكواب مي وبعلي النار لتبلش تغليي المي بهدي تحتو ليستوي وبس استوا بقلبها بصحن التقديم وبخلي الطنجرة فوقها شي خمس دقايق وبعدين بسحب الطنجرة لفوق مشان تضل مثل القالب
هون انا حطيت طبقة حلقات بندورة بارضية القدر وبعدين اللحمة وبعدها البادنجان واخر شي الرز
ليست هناك تعليقات:
إرسال تعليق