بعض الوصفات لجربتها هاذ الأيام راكم عارفين العيد لحق وبشرتنا راهي تعبانة لازم نتهلاو فيها
1 . زوج مغارف ماء الورد الأبيض مغرف صغيرة من ليمون ومغرف كبيرة مايزينة خلطيها مليح ومنبعد نقي وجهك بماء نجمة لرض وكينشف نقيه بماء الورد للون تاعو وردي ومنبعد ديري ماسك تاعك مدة 20 دقيقة وغسلي وجهك بماء دافي ونشفيه وديريلو كريمة مرطبة ولا ماء الورد الأبيض ليتباع عند العشابين
22. مغرف صغيرة جيلاتين حلال بقري شوية حليب سائل وخلطي مليح ونقي وجهك بماء نجمة لرض وماء الورد ومبعد ديري الماسك وخاليه ينشف وحكي بشكل دائري وغسلي وجهك بماء دافي وكريمة مرطبة
33. مغرف كبيرة نشاء وعصير الليمون وحليب نقي وجهك بماء نجمة لرض وماء الورد ومبعد ديري الماسك مدة 20 دقيقة وغسلي وجهك وكريمة مرطبة
وزيت الخروع يطول شوافر ديريه يوميا فليل
وبالنسبة لليدين نصف ليمونة تحطيلها خميرة نوارة وتحكي يديك مدة عشر دقائق تحكي وتعصري باش يخرج العصير كتكملي غسلي بالماء دافي
نشاء ولحليب ودهني يديك وخاليه ينشف وغسلي يديك
هذي الوصفات انا جربتها وعطاتني نتيجة
اما ماء نجمة لرض نحالي السواد لكان تحت عينيا نستعملو صباح وفليل نشمخ لقطن ونواسي
غلي الما وحطي نجمة وخاليها ساعة ومنبعد فرغيها في قارورة زجاج تخدمي بيها
............................... ......................................
اما فيما يخص الشعر
انا شعري ناشف قبل ماندوش نستعمل زيت فاتيكا مدة ساعة ونغسلو
مور الدوش نشف شعري نستعمل جوز الهند يوميا شعري طوال ورجع رطب نمشط شعري صباح ونلمو ونخدم شغلي وفليل نمشطو ونحط جوز الهند يبان مكسل ورطب
نصيحة مني تهلاو في جسمكم ووقفي على روحك انتي زينة دارك وشمعتها الراجل مايحبش لمرا لهاملة روحها ودارها كوني قوية مام أولادك يدو التفاءل منك
ماتخاليش المشاكل اتاثر عليك خلي كلش على ربي
خلي أولادك وراجلك يشوفوك مراة قوية متفائلة
صحا عيدكم مسبقا
وهذا رمضان كنت نعايركم سمحولي وماتزعفوش مني كنت نديرلكم فالقلب
ليست هناك تعليقات:
إرسال تعليق