Tranche au chocolat

Aslihan Oglu

المقادير
بسكوي :

 4 بيض 
120 غ فرينة
30 غ كاكاو

150 غ سكر
نص كيس خميرة الحلوى
فانيليا ملعقة كبيرة مش معمرة
طريقة التحضير 
البيسكري افصلو الصفار عن البياض طلعو البياض مع قرصة ملح وحدو وطلعو الصفار مع فانيليا وسكر وحدهم ممبعد ابداو تخلطو بلعقل وضيفو الفرينة والكاكاو مغربلين ولخميرة كيميائية ماتهبطوش الخليط ديروه فصسنيوة تاع الكوشة يكون فيها ورق الطهي ديروها ملفوق والفرن يكون مشعول ملتحت
السيرو :
كاس حليب كونديا شوكولا + ملعقتين سكر
 الكريمة : 
زوج باطات بتيسويس تاع رجيم هداك الازرق مع 2 مغارف كبار سكر ڨلاص دربوهم بالباتور ممبعد ضيفولهم 150 غ كريمة الشونتي
غلاصاج الشوكولا: 
15 سل كريمة طازجة
150 غ شوكولا
كي يطيب البيسكوي خلوه يبرد ممبعد اقسموه فالوسط ماشي تقسموه كيما لاجينواز لالا يعمي هو يكون على شكل مستطيل اقسموه فالوسط ماشي ملداخل منبعد شربو الطبقة الاولى ضيفو لكريمة زبدو الطبقة الثانية من البيسكوي زيدو شربوها ممبعد زيدو طيقة من الكريكة وخلوها فالكونجيلاتور حتى تتماسك حضرو الغاناش سخنو الكريمة الطازجة مليح ضيفولهاةالشوكولا راپيوها باش تذوف بلخف خلطو مليح زيدو ملعقة زيت باش تجي تبرق كي تتماسمك معاكم الكيكة غلفوها بالڨاناش وخلوها تزيد تبرك مليح ممبعد قطعوها بالشكل لي فصورة تخرجلكم حوالي 8 اطراف
وصحا وهنا