خبز المقلة
في اناء ديري م ك معمرة مليح خميرة و م ك سكر و م ك زيت مع كاس حليب و كاس ما ء دافيين و م ص ملح و كملي لمي بالفرينة و العجينة خليها شوية طرية باه يجيك خفيف تم ادلكيه حوالي 5 د تم اقرصيه بولات صغار او كبار على حساب المقلة ديالك تم خليه يرتاح 10 د تم دردري الدقيق فوق طاولة العمل و حطي الخبزة فوق الدقيق باه ما تلصقش و ابداي تحلي في الخبزات بالحلال و كل ما تشوفيها تلصق دردري الدقيق فقط تم حطي الخبزة فوق طرشونة مرشوشة بالدقيق باه ما تلصقش ولا شفتيها شوية خشينة زيدي حليها فوق الطرشونة و غطيهم و خليهم يخمرو ساعة تم طيبيهم في مقلة سخونة الي ما تلصقش و من الأحسن تيفال و لازم غير تحطي الخبزة تخليها دقيقة فقط تم تقلبيها و كي تطيب من الجهة التانية عاودي رجعيها للجهة الاولى هدا هو السر باه تتنفخ و تجي فارغة و النار تكون قاوية نوعا ما
ملاحظة : بالنسبة للخميرة الي تشوفو خمرلها قبل ساعة اطيبو كي يخمر في زمان الصيف
من اسرار
نجاحه لازم العجينة كي تلميها اتخليها طرية و كي تحليها حليها رقيقة و تخليها ساعة
تخمر و كي اطيبيه المقلة تكون الي ما تلصقش الاحسن تيفال و غير تحطي الخبزة و
اتشوفي الفقاعات بداوو يبانو برك ماشي يطلعو تقلبيها اي انك تخليها دقيقة برك و كي
اطيبيه من الجهة التانية تعاودي ترجعيها للجهة الاولى التم يطلعك و نتمنى تعاوديه
و تنجحي فيه لانو ساهل
ليست هناك تعليقات:
إرسال تعليق